Rannsóknahópar

 

Norðurslóðanet Íslands

RMF er einn stofnaðila Norðurslóðanets Íslands - þjónustumiðstöðvar norðurslóðamála. Netið er samstarfsvettvangur stofnana, fyrirtækja og félagasamtaka á Íslandi sem vinna að málefnum norðurslóða. Lesa má nánar um Norðurslóðanetið hér

 

 

Norrænt rannsóknanet um skemmtiskiparannsóknir

RMF tók þátt í stofnun samstarfsnets fræðimanna sem beina rannsóknum sínum að umferð og heimsóknum skemmtiferðaskipa í norðri.

Stofnfundur samtakanna var haldinn um fjarfund síðla árs 2017 að undirlagi RMF annars vegar og Norlandsforskning í Noregi hins vegar. Í árslok 2017 höfðu fræðimenn frá á þriðja tug háskóla og rannsóknastofnana í 12 löndum skráð sig til þátttöku í rannsóknanetinu.

Eitt fyrsta verk netsins var að skipuleggja málstofu á ráðstefnunni Nordic Symposium on Tourism and Hospitality sem fram fer í Alta, Noregi haustið 2018. Efnistök málstofunnar verður sjálfbærni í siglingum og heimsóknum farþegaskipa í höfum og vötnum Norðurlanda.

Þórný Barðadóttir stýrir hluta RMF í samstarfinu, en helsti samstarfsaðili við stofnun rannsóknanetsins var Dr. Kristina Svels, sérfræðingur á Norlandsforskning í Bodø í Noregi.

 

 

Vinnuafl í ferðaþjónustu 

Rannsóknahópur um öflun þekkingar á vinnuafli í ferðaþjónustu á Íslandi. Meðal mögulegra rannsóknaefna má nefna þætti eins og eðli starfa í ferðaþjónustu, mannauð, þátttöku og stöðu erlends vinnuafls, menntun vinnuafls og þjálfun og þannig mætti áfram telja.

Rannsóknarhópurinn var myndaður í kjölfarið á 13. ráðstefnunni um ábyrga ferðaþjónustu á áfangastöðum (e. 13th International Conference on Responsible Tourism in Destinations), sem haldin var í Reykjavík 28. og 29. september 2017.

Tilgangur rannsóknarhópsins er að efla og deila þekkingu á vinnuafli í ferðaþjónustu. Áhrif ferðaþjónustunnar á efnahagslega, félagslega og umhverfis þætti eru þekktir. Samt sem áður hefur lítið verið skoðað hverjar eru áskoranir í kringum vinnuaflið í ferðaþjónustu og hvert hlutverk starfsmanna er í ferðaþjónustu sem lykilhluthafa í þróun ferðaþjónustunnar.

Dr. Andreas Walmsley, Plymoth University leiðir vinnu rannsóknahópsins.

Aðrir meðlimir hópsins eru:

  • Petra Blinnikka, ICRT, Finland
  • Magnfríður Júlíusdóttir, Háskóli Íslands
  • Gunnar Thór Jóhannesson, Háskóli Íslands
  • Katrín Anna Lund, Háskóli Íslands
  • Guðrún Þóra Gunnarsdóttir, Rannsóknarmiðstöð Ferðamála
  • Íris Hrund Halldórsdóttir, Rannsóknarmiðstöð Ferðamála

 

 

Verkfærakista rannsókna í ferðamálum

Rannsóknahópur um aðferðafræði og samanburð rannsókna í ferðamálum.

Rannsóknarhópurinn var myndaður í kjölfarið á 13. ráðstefnunni um ábyrga ferðaþjónustu á áfangastöðum (e. 13th International Conference on Responsible Tourism in Destinations), sem haldin var í Reykjavík 28. og 29. september 2017. Markmið samstarfshópsins er að kanna hvernig hægt sé að setja saman skilvirka ferla, eins konar verkfærakistu, sem er ætluð hagsmunaaðilum í ferðaþjónustu svo að hægt sé að nálgast viðfangsefni í ferðaþjónustu á sjálfbæran og ábyrgan hátt.

Meðal spurninga sem rannsóknahópurinn gæti leitað svar við má nefna:

  • Hvers konar verkfæri virka í reynd?
  • Hvernig á að fylgjast með áhrifum mismunandi verkfæra?  
  • Hvaða verkfæri henta hvar?
  • Hvernig getur verkfærakistan verið gagnleg til að mennta viðskiptavini?

Petra Blinnikka, JAMK University of Applied Sciences í Finnlandi leiðir vinnuna en aðrir þátttakendur eru ferðaþjónustufyrirtæki, Háskóli Íslands, Háskólinn á Hólum og Samtök um ábyrga ferðaþjónustu. petra.blinnikka [@] jamk.fi

Aðrir meðlimir hópsins eru: 

  • Manfred Schreiber, Studiosus Reisen München
  • Magnus Haukur Asgeirsson, University of Iceland
  • Kjartan Bollason, Hólar University College
  • Harold Goodwin, Responsible Tourism Partnership and Institute of Place Management at MMU