Starfsfólk

Guðrún Þóra tók við starfi forstöðumanns í mars 2016. Hún á að baki áratuga reynslu af ferðamálum, er með meistaragráðu (M.B.A.) í stjórnun ferðaþjónustu frá University of Guelph, Ontario í Kanada auk meistaragráðu frá University of Oregon, USA í samanburðarbókmenntum.
Guðrún Þóra leiddi uppbyggingu ferðamáladeildar Háskólans á Hólum. Hún var deildarstjóri þar í 13 ár og síðar lektor við sömu deild. Þá sat hún í sex ár í Vísinda- og tækniráði og var um árabil fulltrúi Íslands í Norrænu Atlantshafsnefndinni (NORA). Auk þess hefur Guðrún átt setu í fjölmörgum nefndum og starfshópum sem hafa með ferðamál að gera.
Rannsóknaráherslur Guðrúnar hafa einkum verið uppbygging ferðaþjónustu í dreifbýli og áfangastaðaþróun.

Starfsstöð: Háskólinn á Akureyri (E-hús - 228).

• +354 8637715
• Netfang
• gudrunthora@rmf.is

Ása Marta hóf störf hjá RMF í febrúar 2021. Hún vinnur að fjölbreyttum rannsóknaverkefnum í ferðaþjónustu, bæði á innlendum og erlendum vettvangi. Rannsóknaráherslur hennar eru skemmtiskipaferðamennska á norðurslóðum, eyjaferðamennska, sjálfbær uppbygging áfangastaða með áherslu á vegasamgöngur og samstarf ferðaþjónustu og fræðasamfélagsins. Einnig sinnir hún viðburðahaldi fyrir RMF.

Ása er með M.Sc. gráðu í sjálfbærri þróun áfangastaða frá Uppsala háskóla í Svíþjóð og B.Sc. gráðu í ferðamálafræði frá Háskóla Íslands. 

Starfsstöð: Tæknigarður (207), Dunhaga 5, 107 Reykjavík

• 460-8933
• asamarta@rmf.is

Eyrún hóf störf hjá RMF 2008 og hefur unnið að fjölmörgum sérverkefnum í innlendu og erlendu samstarfi. Helstu rannsóknaráherslur hennar snúa að samspili samgangna, ferðaþjónustu og byggðaþróunar, með áherslu á dreifingu ferðamanna, þróun áfangastaða á jaðarsvæðum og félagsleg áhrif ferðaþjónustu. 

Eyrún er með meistaragráðu í samskiptafræðum með áherslu á framsetningu og miðlun upplýsinga frá Háskólanum í Álaborg, B.A.-gráðu í Humanistisk Informatik frá sama skóla og B.Sc. gráðu í ferðamálafræði við Háskóla Íslands.

Starfsstöð: Tæknigarður (207), Dunhaga 5, 107 Reykjavík

• Netfang:
• ejb@rmf.is

Hans hefur verið verkefnastjóri og aðalrannsakandi í fjölbreyttum alþjóðlegum verkefnum tengdum ferðaþjónustu og loftslagsbreytingum, vísindaferðamennsku og ferðaþjónustu á verndarsvæðum. Hans sinnir einnig stundakennslu við Háskóla Íslands.
Hans er með doktorsgráðu í ferðamálafræði frá Háskóla Íslands og með meistaragráðu í umhverfis- og auðlindafræðistjórnun og meistaragráðu í stjórnmálafræði frá Háskólanum í Amsterdam.
Hans er verkefnaráðinn í 20% stöðu frá 1. apríl 2025 til þriggja ára í tengslum við RETURN-verkefnið.

Starfsstöð: Tæknigarður, Dunhaga 5, 107 Reykjavík

• Netfang:
• hwelling@rmf.is

Vera tók við stöðu sérfræðings hjá RMF um miðjan mars árið 2018.

Hún hefur sinnt mörgum og fjölbreyttum sérverkefnum, bæði innlendum og erlendum. Þar á meðal má nefna rannsóknir tengdar menningartengdri ferðaþjónustu, áhrifum orkumannvirkja á ferðaþjónustu og útivist, ferðavenjum erlendra ferðamanna og Airbnb starfsemi í dreifbýlum.

Vera er með meistaragráðu í menningararfsstjórnun, með áherslu á menningarmiðlun, frá Háskólanum í Árósum og B.Sc.-gráðu í mannfræði frá sama skóla.

Starfsstöð: Tæknigarður (207), Dunhaga 5, 107 Reykjavík

• 460 8936
• verav@rmf.is

Þórný Barðadóttir hóf störf á RMF haustið 2015, í fyrstu sem verkefnisstjóri en snemma árs 2016 tók hún stöðu sérfræðings við miðstöðina.

Helstu rannsóknaáherslur Þórnýjar hafa tengst ferðaþjónustu í dreifbýli jafnt í samhengi innviða og akstursverðamennsku sem og ferðaþjónustu á landi tengslum við komur skemmtiferðaskipa til strandhéraða.

Þórný er með doktorspróf í ferðamálafræði frá Háskóla Íslands auk MA gráðu í rannsóknatengdum félagsvísindum og BA gráðu í fjölmiðlafræði frá Háskólanum á Akureyri.

Starfsstöð: Borgir 7. hæð, við Háskólann á Akureyri.

Í leyfi til ársloka 2026

• s: 460 8932
• thorny@rmf.is

Dr. Desiderio Juan García-Almeida er prófessor í stjórnun við hagfræði- viðskipta og ferðamálafræðideildar við háskólann í Las Palmas á Kanaríeyjum. Hann lauk doktorsverkefni þar sem umfjöllunarefnið var þekkingarmiðlun innan hótelkeðja. Einnig er hann með tvær bakkalárgráður, aðra í hagfræði og stjórnun, og hina í þýðingarfræðum. Einnig er hann með meistaragráðu í stjórnun og skipulagningu ferðamála.

Rannsóknaráhugi hans beinist að þekkingarstjórnun og nýsköpun, stjórnunarhæfni, innflytjendum, frumkvöðlastarfi, fjölskyldufyrirtækjum og stjórnun innan ferðaþjónustu. Hann hefur birt nokkrar greinar í fræðitímaritum eins og Journal Service Industries, Family Business Review, Tourism Management, Journal of Small Business & Enterprise Development, Journal of Human Resources in Hospitality & Tourism, International Journal of Hospitality og Tourism Administration.

Desiderio kennir fjölbreytt námskeið t.a.m. stjórnunarhæfni, stefnumótandi stjórnun, samkeppnishæfni og stýringu áfangastaða, og þjónustustjórnun innan ferðaþjónustunnar. Hann er gestaprófessor við ferðamáladeild München-háskóla í Apphied Sciences og er í samvinnu við Háskóla Íslands.

Netfang: dj.garcia@ulpgc.es

• dj.garcia@ulpgc.es

Georgette Leah Burns er dósent við umhverfis- og vísindasvið Griffith háskólans í Ástralíu auk þess að vera staðgengill forstöðumanns stofnunarinnar Center for Planetary Health and Food Security. Með bakgrunn í umhverfismannfræði beinast verk Leah að samskiptum manns og náttúru, þá sérstaklega í tengslum við ferðaþjónustu. Viðfangsefni rannsókna Leah hafa meðal annars beinst að sjálfbærri byggðaþróun, siðferðislegum álitamálum við stýringu ferðaþjónustu með tilliti til dýra og náttúru og upplifun gesta á náttúru- og verndarsvæðum.

Leah er stofnmeðlimur Wildlife Tourism Australia samtakanna. Þá er hún meðritstjóri tímaritsins Engaging with Animals: Interpretations of a Shared Existence (Sydney University Press, 2014), auk þess að vera höfundur/meðhöfundur ríflega 60 bókakafla og greina í fagtímaritum.

Leah bjó og starfaði á Íslandi (við Selasetur Íslands og Háskólann á Hólum) í þrjú ár og kemur enn að rannsóknum hér á landi.

Leah brennur fyrir þekkingarleit og skilningi á samskiptum manna og dýra sem leiði af sér réttlátari samvist manna og dýra til framtíðar.

• leah.burns@griffith.edu.au