Ferðavenjur erlendra sumarferðamanna 2019

Staðbundnar kannanir á ferðavenjum og neyslu erlendra ferðamanna hérlendis.

Frá árinu 2013 hefur könnunin verið framkvæmd á alls 14 stöðum víðsvegar um land. 

Markmið verkefnisins er að safna upplýsingum um ferðahegðun og útgjaldamynstur ferðamanna á einstökum svæðum yfir sumartímann.

Með endurteknum könnunum á tilteknum svæðum, fæst tímalína upplýsinga sem gerir mögulegt að fylgjast með þróun ferðahegðunar, neyslu og upplifunar ferðamanna á milli ára og með því ná mikilvægum vísbendingar um þróun ferðamannastaða.

Meðal þess sem spurt er um er búsetuland, dvalarlengd, gistimáti og ferðafélagar auk þess sem útgjaldamynstur ferðamanna er skoðað eftir stöðum. Þá eru þátttakendur beðnir um að tilgreina meginástæðu þess að tiltekinn áfangastaður hafi orðið fyrir valinu og eins gefst þeim gefst kostur á að koma með athugasemdir varðandi dvöl þeirra og upplifun meðan á dvölinni stendur.

Verkefnið er einn hluti reglubundinnar gagnaöflunar stjórnvalda sem nýtist til grundvallar ákvarðanatöku og markmiðasetningu í atvinnugreininni.

Meðfylgjandi mynd sýnir hvar og hvenær ferðavenjukönnun hefur verið framkvæmd undanfarin ár. Staðir til rannsóknar sumarið 2019 eru einkenndir með grænum textareitum.

Þeir eru Akureyri, Mývatnssveit, Höfn og Borgarnes.

Ferðavenjukönnun 2019

 

Skoða má niðurstöður kannana áranna 2013 – 2015 með því að smella hér

Niðurstöður áranna 2016 og 2017 má sjá hér