Rannsóknir á ráðstefnumörkuðum

Í þessari forrannsókn verður staða rannsókna á ráðstefnumarkaðnum á Íslandi gert skil, ásamt því að rýna í hvers konar rannsóknir er verið að framkvæma á ráðstefnumörkuðum erlendis. 

Ráðstefnumarkaðir eða MICE-markaðir eru mikilvægur angi ferðaþjónustunnar þar sem ráðstefnu- og hvataferðagestir eru verðmætir ferðamenn sem eyða að meðaltali meiru á hvern sólarhring en hinn almenni ferðamaður. Erlendir ráðstefnugestir koma einnig með nýja þekkingu til landsins og ráðstefnur eru góður grundvöllur til að styrkja tengslanet innan fræðigreina og viðskipta.

Eitt af markmiðum þessarar forrannsóknar er að skoða hvers konar rannsóknir er verið að framkvæma á þessum mörkuðum erlendis, hvaða upplýsingar það eru sem verið er að safna inn og hvernig farið er með þær. Einnig er markmiðið að rýna í stöðuna á rannsóknum á þessum markaði sé hér á landi, hvaða gögn eru til um íslenska ráðstefnumarkaðinn og draga fram hverju sé ábótavant í upplýsingaöfluninni. Að lokum verður hugmyndum um frekari rannsóknir á þessu sviði velt upp. 

Áætlað er að niðurstöður forrannsóknarinnar liggi fyrir í árslok 2018.