Verkefni - Áhrif Suðurnesjalínu 2 á ferðaþjónustu og útivist

Suðurnesjalína

Verkefni, unnið að beiðni VSÓ ráðgjafa fyrir Landsnet sem hluti af mati á umhverfisáhrifum Suðurnesjalínu 2.

Áhrifasvæði nýju línunnar liggur frá Rauðamelum á landi Grindavíkur, yfir að Njarðvíkurheiði og þaðan meðfram Reykjanesbrautinni að Vallahverfinu í Hafnarfirði.

Rannsóknin byggir á viðtölum við útivistarfólk og ferðaþjónustuaðila sem þekkja og nýta sér Reykjanesið og áhrifasvæðið til útivistar og ferðaþjónustu. Einnig verða nýtt fyrirliggjandi gögn um áhrif háspennulína annars staðar í náttúru Íslands og fyrri rannsóknir á svæðinu. Öflun gagna fer fram á tímabilinu júní til ágúst.

Markmið verkefnisins er að meta áhrif fyrirhugaðra framkvæmda og mismunandi valkosta á upplifun ferðamanna, útivistarmöguleika á svæðinu og nýtingu ferðaþjónustuaðila.

Skýrsla með niðurstöðum rannsóknarinnar er væntanleg vorið 2019.