Áhrif orkuvinnslu á upplifun ferðamanna á Blöndu- og Þjórsársvæðum

Rannsókn á áhrifum orkuvinnslu á upplifun ferðamanna á Blöndu- og Þjórsársvæðum.

Markmið rannsóknarinnar er að meta áhrif virkjana og tengdra mannvirkja á upplifun þeirra sem ferðast um svæðin. Gagnasöfnun mun fara fram með spurningakönnun sem lögð verður fyrir ferðamenn á völdum stöðum Blöndu- og Þjórsársvæða.

Niðurstöður könnunarinnar verða bornar saman við niðurstöður fyrri nýlegra kannana á virkjanasvæðum hérlendis. Má þar nefna kannanir sem unnar voru af RMF sumarið 2017 við Kröflu, á Þeistareykjum og á Hengli. Einnig verða niðurstöður skoðaðar í samanburði við könnun sem unnin var fyrir Landsvirkun á Blöndusvæði 2016 auk þess sem hafðar verða til hliðsjónar niðurstöður kannana frá 2015 sem gerðar voru á sjö stöðum til umfjöllunar í rammaáætlun III.

Könnun á Blöndu- og Þjórsársvæðum sumarið 2024 er unnin fyrir Landsvirkjun. Áætluð verklok eru síðla árs 2024.

Verkefnisstjóri er Þórný Barðadóttir [thorny @ rmf.is]