Landamærakönnun á Akureyrarflugvelli

Verkefnið felst í því að leggja landamærakönnun fyrir erlenda ferðamenn í brottfararsal Akureyrarflugvallar. Könnunin er lögð fyrir farþega í beinu millilandaflugi frá Akureyri til Bretlandseyja, Hollands og Sviss á tímabilinu nóvember 2024 til apríl 2025.

Markmið könnunarinnar er að safna upplýsingum um ferðamenn sem hafa heimsótt Norður- og Austurland, hvernig þeir skipuleggja ferðir sínar, hvaða staði þeir heimsækja og hvort beint millilandaflug frá Akureyri hafi áhrif á ferðavenjur þeirra.

Verkefnið er unnið í samstarfi við Isavia, Markaðsstofu Norðurlands og Austurbrú með stuðningi frá atvinnuvegaráðuneytinu.

Niðurstöðurnar má nálgast hér.

Umsjón: Eyrún Jenný Bjarnadóttir