Tilfærsla Hringvegar um Mýrdal

Vegur um Mýrdal - Skjáskot af vef VegagerðarRannsókn á áhrifum fyrirhugaðrar tilfærslu Hringvegar um Mýrdal á Suðurlandi. Til rannsóknar er upplifun ferðamanna sem heimsækja svæðið, núverandi nýting á svæðinu til útivistar og ferðamennsku auk þess sem lagt verður mat á mögulegum áhrifum af innviðabreytingum við tilfærslu vegarins.

Rannsóknin er framkvæmd með greiningu á fyrirliggjandi gögnum annars vegar og hins vegar með viðtölum við ferðaþjónustuaðila, fulltrúa stoðkerfa ferðaþjónustunnar, forsvarsmenn útivistarfólks og ferðamenn á svæðinu, innlenda sem erlenda.

Verkefnið er unnið fyrir Vegagerðina. Áætluð verklok eru nóvember 2021 og verða niðurstöður birtar í niðurstöðuskýrslu.

Rannsókninni er stýrt af RMF en unnin af rannsóknarteymi frá RMF, Ferðamáladeild Háskólans á Hólum og Rannsóknamiðstöð Háskólans á Akureyri.

Ábyrgðarmaður: Guðrún Þóra Gunnarsdóttir [gudrunthora@rmf.is].