Komur skemmtiferðaskipa

RMF hefur unnið að öflun og úrvinnslu gagna um komur skemmtiferðaskipa til hafna landsins á undanförnum árum. Gögnin eru unnin til að ná fram samræmdum tölum um fjölda farþega og áhafnarmeðlima sem hvert skip skilar til viðkomuhafna, sem og brúttóþyngd skipa og dvalartíma þeirra í höfnum.

Í framhaldinu hefur RMF stýrt og tekið þátt í rannsóknum sem taka til umferðar skemmtiferðaskipa.

 

Móttaka skemmtiferðaskipa

Vorið 2017 stóð RMF fyrir viðtalsrannsókn meðal hagsmunaaðila móttöku og þjónustu við skemmtiferðaskip þar sem leitað var reynslu þeirra og upplifunar, auk sýnar á tækifæri, áskoranir, ávinning og stöðu verkferla og stefnumótunar um umferð skipanna hérlendis.

Til rannsóknar á móttöku og þjónustu við skemmtiferðaskip í héraði, var afmarkað rannsóknasvæði á Norðurlandi sem náði frá Fjallabyggð í vestri til Norðurþings í austri. Þar var rætt við fulltrúa hafna, sveitarfélaga og ferða- þjónustu. Að auki var rætt við fulltrúa skipaumboða, ferðaheildsala og hagsmunasamtaka sem svöruðu fyrir aðstæður á landsvísu.

Verkefni styrkt af Menningar- og viðurkenningarsjóði KEA

Niðurstöðuskýrsla rannsóknarinnar birtist snemma árs 2018 

 ... það er bara, hver á að taka af skarið? Móttaka skemmtiferðaskipa við Norðurland 

 

Póla á milli? Samanburðarrannsókn

Framhaldsverkefni þar sem niðurstöður viðtala við hagsmunaaðila skemmtiferðaskipa eru bornar saman við niðurstöður sambærilegrar viðtalsrannsóknar sem framkvæmd var meðal móttöku- og þjónustuaðila skemmtiferðaskipa á Nýja-Sjálandi.

Skoðuð eru líkindi og það sem ólíkt er í aðstæðum landanna tveggja, upplifun þeirra og sýn á greinina.

Unnið er að útgáfu sameiginlegrar fræðigreinar sem stefnt er að birta árið 2018.

Þórný Barðadóttir fer með umsjón og framkvæmd rannsóknaverkefnanna en um rannsókn á Nýja Sjálandi sá dr. Tracy Harkison, Auckland University of Technology.

Unnið er að frekari starfi og útfærslum rannsóknaverkefna sem taka til umferðar skemmtiferðaskipa hérlendis sem sem erlendis.

Umsjón: Þórný Barðadóttir [thorny@unak.is]

 

Ferðahegðun farþega skemmtiferðaskipa - frumrannsókn

Könnun meðal farþega skemmtiferðaskipa við Akureyrarhöfn síðsumars 2017.

Spurningalistar lagðir fyrir farþega fyrir brottför skipanna. Spurt um ferðahegðun farþega, útgjaldaliði, ákvörðunar- og innkaupaferla auk ánægju farþega eða óánægju með ferð og heimsóknastað.

Meginmarkmið frumrannsóknarinnar könnun á möguleika aðferðar og gengi þess að fá farþega til að svara slíkum spurningalistum.

Niðurstöður framkvæmdaþáttar rannsóknarinnar sýna að vel gekk að ná til farþega. Samantekt niðurstaðna væntanleg.

Umsjón: Þórný Barðadóttir [thorny@unak.is]

 

 

Ferðahegðun farþega skemmtiferðaskipa 2018

 - spurningakönnun og viðtöl

Könnun meðal farþega skemmtiferðaskipa við Akureyrarhöfn sumarið 2018. Spurningalistar lagðir fyrir farþega fyrir brottför skipanna.

Könnun sem byggir á reynslu forkönnunar meðal farþega 2017. Endurskoðaður spurningalisti sem tekur mið af öðrum könnunum sem lagðar hafa verið fyrir ferðamenn á landinu. 

Leitað upplýsinga um ferðahegðun í landi, ferli ákvarðana, ánægjustig með heimsókn sem og útgjaldaliði farþega. 

Verkefni styrkt af Akureyrarstofu.

Umsjón: Þórný Barðadóttir [thorny@unak.is]

 

 

 

Ferðahegðun farþega skemmtiferðaskipa 2019

 - spurningakönnun og viðtöl

Könnun meðal farþega skemmtiferðaskipa við Siglufjarðar, Húsavíkur og Hríseyjarhafnir sumar 2019.

Spurningalistar lagðir fyrir farþega fyrir brottför skipanna. Könnun sem byggir á reynslu forkönnunar meðal farþega 2017 og farþegakönnunar frá Akureyrarhöfn sumarið 2019.

Spurningalisti frá sumri 2018 lagður fyrir auk þess sem tekin verða viðtöl við farþega. 

Leitað upplýsinga um ferðahegðun í landi, ferli ákvarðana, ánægjustig með heimsókn sem og útgjaldaliði farþega. 

Verkefni styrkt af KEA

Umsjón: Þórný Barðadóttir [thorny@unak.is]