Saga RMF

Sögu Rannsóknamiðstöðvar ferðamála má rekja aftur til ársins 1997 þegar sett var á stofn staða rannsakanda við skrifstofu Ferðamálaráðs á Akureyri. Staðan var síðar færð undir rekstur Háskóla Íslands og Háskólanns á Akureyri sem gerðu um hana samstarfssamning árið 1999 og varð Ferðamálasetur Íslands til árið 2000. Árið 2008 var heiti samstarfsverkefnisins breytt í Rannsóknamiðstöð ferðamála.

Reksturinn hefur síðan verið á höndum Háskóla Íslands og Háskólans á Akureyri sem hvor um sig tilnefnir tvo fulltrúa í stjórn, auk þess sem Háskólinn á Hólum, Ferðamálastofa (áður Ferðamálaráð) og Samtök ferðaþjónustunnar (SAF) tilnefna einn fulltrúa hver.

Höfuðstöðvar Rannsóknamiðstöðvar ferðamála og áður Ferðamálaseturs Íslands hafa frá upphafi verið við Háskólann á Akureyri, en frá árinu 2012 hefur jafnframt verið verið starfrækt skrifstofa við Háskóla Íslands.