Stofndagur tímaritsins Ferðamál á norðurslóðum

Nýju vísindatímariti var hleypt af stokkunum við hátíðlega athöfn í Hannesarholti þann 7. desember 2022 að viðstöddum góðum gestum. Tímaritið Ferðamál á norðurslóðum er gefið út af Rannsóknamiðstöð ferðamála í samstarfi við Ferðamálastofu, Háskólann á Akureyri, Háskólann á Hólum og Háskóla Íslands. Sérstakir gestir á stofndegi tímaritsins voru hr. Ólafur Ragnar Grímsson, formaður Hringborðs Norðurslóða og heiðursdoktor Háskólans á Akureyri og dr. John Tribe, prófessor emeritus við Háskólann í Surrey og fyrrverandi ritstjóri tímaritsins Annals of Tourism Research. Skarphéðinn Berg Steinarsson, ferðamálastjóri opnaði vefsíðu tímaritsins og ræddi við rektora háskólanna þriggja um miðlun rannsókna, mikilvægi samstarfs og samtals háskólasamfélags, atvinnugreinarinnar og hins opinbera. Ljósmyndir/Kristinn Ingvarsson