Um RMF

Rannsóknamiðstöð ferðamála (RMF) er samstarfsverkefni Háskóla Íslands, Háskólans á Akureyri og Háskóla Íslands á Hólum. Auk háskólanna þriggja tilnefna Samtök ferðaþjónustunnar og  Ferðamálastofa hvor sinn fulltrúa í stjórn miðstöðvarinnar.

 

Stefna og markmið

Stefna RMF er að efla rannsóknir og skilning á áhrifum ferðamennsku á hagkerfi, samfélag og umhverfi. Miðstöðin vinnur að því með samstarfi við innlenda og erlenda rannsóknaraðila og atvinnulíf, útgáfu fræðirita, upplýsingamiðlun og ráðgjöf auk þess að standa fyrir ráðstefnum og fyrirlestrum.

 

Markmið Rannsóknamiðstöðvar ferðamála eru:
  • að efla og bæta rannsóknir í ferðamálum á Íslandi
  • að stuðla að samvinnu háskólanna sem að miðstöðinni standa á sviði ferðamála
  • efla samstarf og samtal við atvinnugreinina og aðra hagsmunaaðila
  • að stuðla að samstarfi innlendra og erlendra rannsakenda á sviði ferðamála
  • að gefa út fræðirit og kynna niðurstöður rannsókna í ferðamálafræðum
  • að gangast fyrir ráðstefnum og fyrirlestrum í ferðamálafræðum

 

Upphaf og þróun

Sögu RMF má rekja til ársins 1997 þegar stofnuð var staða rannsakanda við skrifstofu Ferðamálaráðs á Akureyri. Árið 1999 gerðu Háskóli Íslands og Háskólinn á Akureyri samstarfssamning um starfsemina og ári síðar var Ferðamálasetur Íslands stofnað. Árið 2008 tók miðstöðin upp núverandi heiti, Rannsóknamiðstöð ferðamála.

 

Stofnsamningar RMF:

 

Starfsstöðvar

Rannsóknamiðstöð ferðamála hefur höfuðstöðvar á Akureyri og starfsstöð í Reykjavík.

 

Heimilisfang RMF á Akureyri:

Norðurslóð 4 (Borgir - 7. hæð)
600 Akureyri

 

 

 

 

 

 

 

 

 

Heimilisfang RMF í Reykjavík:

Tæknigarður, (TG-207)
Dunhaga 5
107 Reykjavík

Tæknigarður