Dómar um nýja bók um ferðamál

Í nýútkomnu hefti fræðiritsins Tímarit um Stjórnmál og Stjórnsýslu er að finna rýni ferðamálastjóra á nýútkominni bók Ferðamál á Íslandi (sjá hér) eftir forstöðumann RMF, Edward H. Huijbens og Gunnar Þór Jóhannesson, lektor við líf og umhverfisvísindadeild Háskóla Íslands. Ritdóm ferðamálastjóra má lesa hér, en niðurstaðan er:

Niðurstaðan er því ritverk sem er höfundum sínum til sóma. Hér er borin á borð metnaðarfull og ákaflega áhugaverð lesning um ferðamál fyrir lesendur sem hafa einhverja innsýn í atvinnugreinina, vilja kynnast henni frekar og hafa gaman af því að lesa slíka texta með gagnrýna hugsun að vopni.

---

Aðra rýni er að finna hér af vef félags leiðsögumanna. Sú rýni varð tilefni svars sem finna má hér. 

---

Bókin var í lok janúar ein 10 bóka tilnefnd til Viðurkenningar Hagþenkis fyrir árið 2013.

Hagþenkir, félag höfunda fræðirita og kennslugagna, veitir árlega viðurkenningu til framúrskarandi fræði- eða kennslurits. Viðurkenningin telst til virtustu og veglegustu verðlauna sem höfundum fræðilegra rita fyrir skóla og almenning hér á landi getur hlotnast og nemur verðlaunaupphæðin einni miljón króna.

Viðurkenningaráð, skipað fimm félagsmönnum af ólíkum fræðasviðum til tveggja ára í senn, stendur að valinu. Það skipa: Auður Aðalsteinsdóttir bókmenntafræðingur, Bjarni Ólafsson íslenskufræðingur, Íris Ellenberger sagnfræðingur, Sigmundur Einarsson jarðfræðingur og Þorbjörn Broddason félagsfræðingur.

Í umsögn ráðsins um Ferðamál á Íslandi segir: Tímabært undirstöðurit um ferðamál og þarft innlegg í umræðu um einn af helstu atvinnuvegum þjóðarinnar.

Önnur verk sem tilnefnd voru er hægt að sjá hér á síðu Hagþenkis, en þau eru:

• Aðalsteinn Ingólfsson Karólína Lárusdóttir (JPV).
• Guðbjörg Kristjánsdóttir Íslenska teiknibókin (Crymogea).                                                                                                                                        
• Guðný Hallgrímsdóttir Sagan af Guðrúnu Ketilsdóttur. Einsögurannsókn á ævi 18. aldar vinnukonu (Háskólaútgáfan).
• Halldór Björn Runólfsson og Ingimar Waage Listasaga - Frá hellalist til 1900 (Námsgagnastofnun).
• Hjörleifur Stefánsson Af jörðu. Íslensk torfhús (Crymogea).
• Inga Lára Baldvinsdóttir Sigfús Eymundsson myndasmiður. Frumkvöðull íslenskrar ljósmyndunar (Þjóðminjasafn Íslands).
• Júlíus Sólnes, Freysteinn Sigmundsson, Bjarni Bessason (ritstjórar) Náttúruvá á Íslandi. Eldgos og jarðskjálftar (Viðlagatrygging Íslands og Háskólaútgáfan).
• Sigrún Pálsdóttir Sigrún og Friðgeir. Ferðasaga (JPV).
• Þorleifur Friðriksson Dagar vinnu og vona. Saga Verkamannafélagsins Dagsbrúnar í kreppu og köldu stríði (Háskólaútgáfan).