Starfsfólk RMF á NS34

Starfsfólk Rannsóknamiðstöðvar ferðamála (RMF) tók þátt í 34. Nordic Symposium on Tourism and Hospitality Research sem haldin var í Reykjavík dagana 6.–8. október. Starfsfólk miðstöðvarinnar kom að skipulagningu þriggja málstofa auk þess að kynna eigin rannsóknir.

Guðrún Þóra Gunnarsdóttir tók þátt í skipulagningu málstofu um gjaldtöku á ferðamannastöðum þar sem meðal annars var fjallað um bílastæðagjöld, aðgengi að náttúru og ráðstöfun tekna. Þar flutti hún einnig erindi ásamt Johannes Welling um gjaldtöku í Þjóðgarðinum Snæfellsjökli í tengslum við RETURN-verkefnið.

Guðrún Þóra og Ása Marta Sveinsdóttir voru jafnframt meðal skipuleggjenda málstofu um nærandi menningarferðaþjónustu og hlutverk hennar í samfélögum á norðurslóðum.

Eyrún Jenný Bjarnadóttir tók þátt í skipulagningu málstofu um akstursferðamennsku í dreifbýli en málstofan var á vegum rannsóknanets um akstursferðamennsku. 

Vera Vilhjálmsdóttir flutti erindi um samstarf safna og ferðaþjónustu á Íslandi og kynnti fyrstu niðurstöður úr vinnustofum sem haldnar voru á Norður- og Austurlandi vorið 2026.