Ferðaþjónusta í samhengi

 

OrkneyjarRMF fékk á dögunum styrk frá NORA til að vinna að verkefni er varðar mótun sjálfbærrar ferðaþjónustustefnu á völdum áfangastöðum í Færeyjum, á Íslandi og Í Noregi. RMF mun leiða verkefnið, en aðrir samstarfsaðilar eru Robert Gordon háskólinn á Orkneyjum, Háskólinn á Hólum, Háskólinn í Færeyjum, Háskólinn í Molde, Noregi og Samgöngu- og hagfræðistofnun Noregs.

Verkefnið hefur það að markmiði að styðja við stefnumótun fyrir sjálfbæra ferðaþjónustu með sérstakri áherslu á að samræma stefnu við gildi og þarfir heimamanna. Notast verður við PlaSE matsrammann fyrir staðbundna stefnumótun (Place-based Strategy Evaluation Framework) sem var þróaður í doktorsverkefni Dr. Alona Roitershtein frá Robert Gordon háskólanum.

Verkefnið er unnið í anda nærandi ferðaþjónustu (regenerative tourism) þar sem lögð er áhersla á ferðaþjónustuverkefni sem unnin eru í samræmi við þarfir samfélagsins og stuðla að staðbundinni þróun.

Rannsóknarsvæði íslenska hluta verkefnisins er Dalabyggð. En  Dalabyggð er landbúnaðarhérað með ört vaxandi ferðaþjónustu og fjölmörg tækifæri til frekari þróunar. Önnur rannsóknasvæði verkefnisins eru Suðuroy og Åndalsnes.

Ása Marta Sveinsdóttir, asamarta@rmf.is, og Guðrún Þóra Gunnarsdóttir, gudrunthora@rmf.is, hafa umsjón með verkefninu fyrir hönd RMF.

Laufey Haraldsdóttir, lektor við ferðamáladeild Háskólans á Hólum, og Þorvarður Árnason, forstöðumaður Rannsóknaseturs Háskóla Íslands á Hornafirði, koma einnig að verkefninu.

Verkefnið hófst 1. september og lauk 31. ágúst 2026.

Lokaskýrslu má lesa hér: https://my.visme.co/v/76j0vo6y-5d4137#s1

Niðurstöður verkefnisins voru kynntar á UArctic Congress 2026 í Færeyjum og á 34th Nordic Symposium on Tourism and Hospitality Research í Reykjavík þar sem verkefnahópurinn hélt málstofurnar:

- Place-based Strategic Planning for Sustainable Tourism in the Arctic and the North Atlantic

- Sense of Place as a foundation for Value Driven Tourism Development in Small Rural and Coastal Communities

- Community‑centred and Place‑based Regenerative Cultural Tourism in Northern and Arctic Rural, Island and Peripheral Communities. 

Auk þess hélt hópurinn opna kynningu á netinu undir yfirskriftinni Beyond Visitor Numbers: Place, Values and Tourism Futures in the North Atlantic í nóvember 2026.

Hópurinn vinnur nú að grein í sérhefti í tímaritið Journal of Arctic Tourism.