Menningarferðamenn í Reykjavík

Menningarferðamenn í Reykjavík var pilot verkefni RMF þar sem ferðavenjur og viðhorf ferðamanna sem heimsækja söfn, sýningar og setur á höfuðborgarsvæðinu var rannsakað.

Könnun var lögð fyrir ferðamenn á tveimur söfnum og einni sýningu í miðbæ Reykjavíkur með það að markmiði að fá betri innsýn í hvað einkenni þennan markhóp, hvað dragi þá inn á söfnin og hver upplifun þeirra sé af heimsókninni. Tilgangur verkefnisins var einnig að öðlast betri skilning á viðhorfum ferðamanna til menningartengdrar afþreyingar á höfuðborgarsvæðinu.

Verkefnið var unnið í samvinnu við Markaðsstofu höfuðborgarsvæðisins (Visit Reykjavík) og Rannsóknasetur skapandi greina. Verkefnið hófst í nóvember 2025 og lauk vorið 2026 með útgáfu á skýrslu með samantekt á öllum helstu niðurstöðum verkefnisins. Hægt er að nálgast skýrsluna HÉR.

Vera Vilhjálmsdóttir, verav@rmf.is, hafði umsjón með verkefninu en Rike Nissen, starfsnemi hjá RMF, var starfsmaður verkefnisins.