Rannsóknamiðstöð ferðamála auglýsir eftir meistaranema í spennandi rannsóknaverkefni í sumar á sviði ferðamála

Rannsóknamiðstöð ferðamála leitar eftir meistaranema í hlutastarf í sumar.

Um er að ræða starf í 5 heilar vikur sem dreift verður yfir sumarið. Gert er ráð fyrir að nemi hefji störf í byrjun júní en nákvæm tímasetning er samkomulagsatriði.

Rannsóknin snýr að ábyrgri eyjaferðaþjónustu í Hrísey og Grímsey þar sem markmiðið er að leggja grunn að gerð sjálfbærrar áfangastaðaáætlunar.
Sjá meira hér

Verkefni nema mun snúa að gagnasöfnum, vettvangsferðum, innslátt og úrvinnslu gagna, og þátttöku í skýrslugerð.

Kröfur um hæfni:

• Að nemandi sé meistaranemi eða á þriðja ári í grunnnámi í ferðamálafræði, viðskiptafræði eða sambærilegum félagsvísindagreinum
• Að nemandi hafi lokið áfanga sem snýr að megindlegum rannsóknaraðferðum og kunni á Excel.
• Að nemandi geti sýnt sjálfstæði í vinnubrögðum

Umsjónaraðili þessa rannsóknarverkefnis er Ása Marta Sveinsdóttir hjá Rannsóknamiðstöð ferðamála. Ef áhugi er fyrir að taka þátt í þessu verkefni endilega hafa samband í gegnum netfangið asamarta@rmf.is. Umsóknarfrestur er til 24. mars næstkomandi.