Fréttir

Í gær veittu Samtök ferðaþjónustunnar (SAF) og Rannsóknamiðstöð ferðamála (RMF) verðlaun fyrir framúrskarandi lokaritgerð um ferðamál á Íslandi. Guðný Ljósbrá Hreinsdóttir hlaut verðlaunin í ár.

Í síðustu viku var vinnufundur í TourNord samstarfsnetinu haldinn í Bergen, Noregi þar sem rædd voru þemu á borð við seiglu ferðaþjónustufyrirtækja, nærandi ferðaþjónustu og troðnings ferðaþjónustu.

RMF hlaut rannsóknarstyrk frá Rannsóknasjóði Vegagerðarinnar til þess að vinna að verkefninu: Er ferðaþjónusta málið? Greining á hlutverki Vegagerðarinnar í sjálfbærri uppbyggingu áfangastaða og ferðaleiða á Íslandi.

Rannsóknamiðstöð ferðamála leitar eftir meistaranema í hlutastarf í sumar. Um er að ræða hlutastarf í 5 vikur sem dreift verður yfir sumarið. Gert er ráð fyrir að nemi hefji störf í byrjun júní en nákvæm tímasetning er samkomulagsatriði. Rannsóknin snýr að ábyrgri eyjaferðaþjónustu í Hrísey og Grímsey þar sem markmiðið er að leggja grunn að gerð sjálfbærrar áfangastaðaáætlunar. Verkefni nema mun snúa að gagnasöfnum, vettvangsferðum, innslátt og úrvinnslu gagna, og þátttöku í skýrslugerð.

Tímaritið Ferðamál á Norðurslóðum (FerNor) er nú opið fyrir innsendingu fræðigreina um ferðamál og ferðaþjónustu á norðurslóðum. FerNor er rafrænt, gjaldfrítt tímarit sem gefið er út í opnum aðgangi.

SAF og RMF óska eftir tilnefningum til verðlauna fyrir framúrskarandi lokaverkefni um ferðamál.

Johannes (Hans) Welling er nýr sérfræðingur hjá RMF. Hann mun stýra umsóknarferli um styrki í Rannsóknasjóð og umsóknum í önnur alþjóðleg rannsóknarverkefni.

RMF er þátttakandi í spennandi Erasmus+ verkefni sem hefur það að markmiði að þróa og hanna kennsluefni til þess að efla getu ferðaþjónustufyrirtækja að takast á við krísu.

Þann 19 desember sl. varði Edita Tverijonaitė doktorsritgerð sína í ferðamálafræði við Háskóla Íslands. Edita er annar nemandinn í röðinni til að útskrifast með doktorspróf í ferðamálafræði við íslenskan háskóla.

Nýju vísindatímariti, Ferðamál á norðurslóðum, var hleypt af stokkunum við hátíðlega athöfn í Hannesarholti þann 7. desember síðast liðinn að viðstöddum góðum gestum.